Sælar stúlkur!
Til að stytta okkur biðina eftir stráknum hennar Sigurrósar :) datt mér í hug að koma með tvenns konar uppástungur að næstu lestrarupplifun Skruddnanna!
1.hugmynd: Að lesa bók eftir Knut Hamsun (já jú, kanóna og svoleiðis, en þarf kannski ekki að vera voðalega þungur).
Annaðhvort Pan eða íslensku þýðinguna Loftskeytamanninn (n. Svermeren) sem kom út nú fyrir stuttu.
Fyrir þá sem vilja eitthvað úr heimsbókmenntunum...
2.hugmynd: Að lesa 2 bækur eftir Ole Lund Kirkegaard (þetta er barnabækur þannig að við getum ekki verið þekktar fyrir annað en að lesa tvær; þær sem eiga börn geta lesið þær fyrir börnin sín ;) )
Af mörgu er að taka úr höfundarverki hans: Albert, Hodja frá Pjort, Ottó nashyrningur, Gúmmí-Tarzan, Fúsi froskagleypir, Fróði og allir hinir grislingarnir og eflaust margar fleiri -- fólk getur þá valið einhverjar tvær sem skapar skemmtilegar umræður, og hægt að bera saman skemmtilegar myndir ;)
Hvað segið þið nú, stúlkur? Hvora tillöguna líst ykkur betur á, og hvað viljið þið þá lesa af þessu?
Bestu kveðjur,
Eyrún Ellý
Gerast áskrifandi að:
Birta ummæli (Atom)
3 ummæli:
Oh úff. Erfitt val...
Sko ég er til í Hamsun enda hef ég rosalega lítið lesið af "kanónum" og vil gjarna bæta úr því. Veit ekkert um bækurnar sem þú nefndir, svo ég er alveg til í að lesa báðar.
En mér finnst Ole Lund Kirkegard líka rosa skemmtó hugmynd:) Rosalega langt síðan maður las þær... upplifunin er örugglega allt önnur núna.
Mér líst sem sagt vel á hvort tveggja, hehe.
Best ég tjái mig líka á blogginu... Ég væri til í að lesa Loftskeytamanninn, en ég segi eins og hinar, báðar hugmyndirnar góðar og erfitt að velja :)
Ég er alveg til í Knut Hamsun, annars líst mér vel á báðar tillögur... :)
Skrifa ummæli