Siðasti bokaklubbur og næsti

Dömur mínar.

Þakka ástsamlega fyrir mig. Einkum fyrir allan harðfiskinn (sem er agalega þjóðlegur réttur) og bókaumræður (sem voru mjög alþjóðlegar).

Ég vil ítreka það hér og nú að Þórdís á að sjá um næsta bókaklúbb og þar af leiðandi næstu bók. Sá klúbbur verður þó væntanlega ekki fyrr en í byrjun júní. Í gær kom nefnilega upp sú hugmynd að skreppa saman í leikhús og sjá Leg. Síðan gætum við alla skundað á kaffihús og krufið stykkið til mergjar. Erum við ekki allar til í þetta? Leikhúsferðin verður ekki fyrr en í fyrsta lagi um miðjan maí. Við erum nefnilega nokkrar á kafi í tryllinslærdómi.

Nú ætla ég að fara að lesa. Var nefnilega að fá einn pakkann enn frá Amazon.

Helga kennslukona.